ਗੌਤਮ ਬੁੱਧ ਅਤੇ ਡਾਕੂ

Gautam Bhdh ate Daku

ਇੱਕ ਡਾਕੂ ਸੀ। ਉਹ ਲੋਕਾਂ ਦੇ ਹੱਥਾਂ ਦੀਆਂ ਉਂਗਲਾਂ ਕੱਟ ਕੇ ਕੱਟੀਆਂ ਉਂਗਲਾਂ ਦੀ ਮਾਲਾ ਬਣਾ ਕੇ ਪਹਿਨਦਾ ਸੀ। ਇਸ ਨਾਲ ਡਾਕੂ ਨੂ ਬਹੁਤ ਮਜ਼ਾ ਆਉਂਦਾ ਸੀ।

ਇੱਕ ਵਾਰ ਉਹ ਲੁਟੇਰਾ ਭਗਵਾਨ ਬੁੱਧ ਨੂੰ ਮਿਲਿਆ। ਬੁੱਧ ਨੇ ਉਸਨੂੰ ਕਿਹਾ, “ਜਾਓ, ਸਾਹਮਣੇ ਵਾਲੇ ਦਰੱਖਤ ਦੇ ਪੰਜ ਪੱਤੇ ਤੋੜੋ।” ਡਾਕੂ ਨੇ ਝੱਟ ਦਰੱਖਤ ਦੇ ਪੰਜ ਪੱਤੇ ਤੋੜ ਲਏ। ਤਾਂ ਬੁੱਧ ਨੇ ਕਿਹਾ, “ਜਿਥੋਂ ਇਹ ਪੱਤੇ ਤੋੜੇ ਸਨ, ਉਨ੍ਹਾਂ ਨੂੰ ਦੁਬਾਰਾ ਜੋੜ ਦਿਓ।” ਡਾਕੂ ਨੇ ਕਿਹਾ ਮੈਂ ਇਹਨਾਂ ਨੂੰ ਦੋਬਾਰਾ ਨਹੀਂ ਜੋੜ ਸਕਦਾ।”

ਬੁੱਧ ਨੇ ਕਿਹਾ, “ਤੁਸੀਂ ਉਸ ਨੂੰ ਕਿਉਂ ਤੋੜਦੇ ਹੋ ਜਿਸ ਨੂੰ ਤੁਸੀਂ ਜੋੜ ਨਹੀਂ ਸਕਦੇ ਹੋ?”

ਭਗਵਾਨ ਬੁੱਧ ਦੇ ਇਨ੍ਹਾਂ ਸ਼ਬਦਾਂ ਨਾਲ ਡਾਕੂ ਦੀਆਂ ਅੱਖਾਂ ਖੁੱਲ ਗਈਆਂ। ਉਸ ਦਿਨ ਤੋਂ ਉਸ ਨੇ ਲੋਕਾਂ ਦੀਆਂ ਉਂਗਲਾਂ ਕੱਟਣੀਆਂ ਬੰਦ ਕਰ ਦਿੱਤੀਆਂ।